ზურაბ ალავიძემ აზერბაიჯანელ თანამოქალაქეებს ნოვრუზ ბაირამი მიულოცა

ზურაბ ალავიძემ აზერბაიჯანელ თანამოქალაქეებს ნოვრუზ ბაირამი მიულოცა

რეგიონული განვითარებისა და ინფრასტრუქტურის მინისტრი დღეს მარნეულში იმყოფებოდა, სადაც აზერბაიჯანელ თანამოქალაქეებს ნოვრუზ ბაირამი მიულოცა. ზურაბ ალავიძემ იმ სირთულეებზე ისაუბრა, რაც არჩილ ტატუნაშვილის ცხედრის გადმოსვენებას ახლდა და ქართველი ჯარისკაცის უჯახს მიუსამძიმრა.

„ძალიან მძიმე დღეები გამოვიარეთ და ჩვენი სტრუქტურების, საერთაშორისო პარტნიორების ძალისხმევით, როგორც იქნა, მოხერხდა არჩილ ტატუნაშვილის ცხედრის გადმოსვენება. მინდა კიდევ ერთხელ მივუსამძიმრო მის ოჯახს და დიდი მადლობა ვუთხრა მოთმინებისა და იმ სირთულეების გათვალისწინებისთვის, რაც ამ პროცესს თან ახლდა. ჩვენ, რა თქმა უნდა, არ გვჯერა ცხინვალში ჩატარებული ვითომგამოძიების და დარწმუნებული ვარ ქართული გამოძიება ყველაფერს გააკეთებს, რათა გავიგოთ და ყველას გავაგებინოთ რა მოხდა რეალურად. მთელი საქართველოს მსგავსად, არჩილ ტატუნაშვილის ხსოვნას პატივს მიაგებენ ჩვენი თანამოქალაქეები აქ, მარნეულში. როგორც ადგილობრივებმა მითხრეს, ნოვრუზ ბაირამის აღნიშვნით, რაც ახალი დღისა და გაზაფხულის ზეიმს ნიშნავს, ყველამ უნდა დაინახოს, რომ საქართველო ერთიანია და ასე ერთად გავუმკლავდებით ყველა ტკივილსა და გასაჭირს“ - განაცხადა ზურაბ ალავიძემ.